«Манчестер Юнайтед» ҳужумчиси Златан Иброҳимович жамоасини Чемпионлар лигаси йўлланмасини қўлга киритишга қодир деб ҳисобламоқда.
Айни пайтда «МЮ» чемпионат жадвалида 4-ўриндан 2 очко ортда қолган ҳолда 6-ўринни эгаллаб турибди.
«Чемпионлар лигасига чиқишимизга ишонаман. Бир неча ой олдин пешқадамлардан анча орқада эдик, бироқ масофани қисқартира олдик. Биз ўзимизга душманмиз. Агар ўйинларда ғалаба қозонганимизда, очколарни жамғарганимизда, бошқача вазиятда турган бўлардик. Энди бошқаларнинг очко йўқотишини кутишга мажбурмиз» - деди Иброҳимович ВВС хабарида.
