Испания кубогининг ярим финал жавоб учрашувида “Барселона” билан дуранг ўйнаган “Атлетико” икки ўйин натижасига кўра турнирни тарк этди. “Матрасчилар” бош мураббийи Диего Симеоне шогирдларининг ўйинидан мамнун эканлигини айтиб ўтди.
“Ўйин вақтида мен бизга ғалаба олиб келувчи ҳар хил йўлларни қўлладим. Бизда гол уриш учун имкониятлар пайдо бўлди. Афсуски, бизнинг прессингимиз рақибга у қадар муаммо туғдира олмади.
Турнирни мағрур холда тарк этмоқдамиз. Тўгри, биз кубокдаги юришимизни якунладик. Аммо бошимизни бемалол баланд кўтариб юришимиз мумкин. "Атлетико" билан фахрланаман!
Умид қиламанки, ушбу ҳолат келгуси ўйинларда бизнинг фойдамизга ишлайди” –, деб айтиб ўтди аргентиналик мутахассис.
