Ispaniya kubogining yarim final javob uchrashuvida “Barselona” bilan durang o‘ynagan “Atletiko” ikki o‘yin natijasiga ko‘ra turnirni tark etdi. “Matraschilar” bosh murabbiyi Diyego Simeone shogirdlarining o‘yinidan mamnun ekanligini aytib o‘tdi.
“O‘yin vaqtida men bizga g‘alaba olib keluvchi har xil yo‘llarni qo‘lladim. Bizda gol urish uchun imkoniyatlar paydo bo‘ldi. Afsuski, bizning pressingimiz raqibga u qadar muammo tug‘dira olmadi.
Turnirni mag‘rur xolda tark etmoqdamiz. To‘gri, biz kubokdagi yurishimizni yakunladik. Ammo boshimizni bemalol baland ko‘tarib yurishimiz mumkin. "Atletiko" bilan faxrlanaman!
Umid qilamanki, ushbu holat kelgusi o‘yinlarda bizning foydamizga ishlaydi” –, deb aytib o‘tdi argentinalik mutaxassis.
