«Бавария» сардори, 33 ёшли Филипп Лам мавсум охирида фаолиятини якунлашини эълон қилди.
«Ишончим комил, мавсум охирига қадар қўлимдан келган барча ишни қилиб, жамоага ёрдам бераман. Бироқ фақат мавсум охиригача.
Клуб тизимида ишлаш? Бу ҳақда музокара бўлганди, аммо ҳозир бунинг мавриди эмас» - деди Лам «Бавария» расмий сайти хабарида.
Филипп Лам мюнхенликлар таркибида 7 марта Германия чемпиони, 6 марта Кубок соҳиби, 2 марта Суперкубок соҳиби бўлган. Бундан ташқари Чемпионлар лигаси, УЕФА суперкубоги ва клублар ўртасидаги жаҳон чемпионатида ғолиб чиққан. Германия терма жамоаси билан 2014 йилда жаҳон чемпиони бўлган.
