"Бавария" яримҳимоячиси Тимоти Тильман клубини ўзгартирмайди, бу ҳақида футболчининг агенти Кристиан Рёссер хабар қилмоқда.
Агентнинг сўзларига кўра, немис гранди унинг мижозига ишонади ва Тильман яқин вақтлар ичида мюнхенликларнинг асосий таркибида ўйнай бошлайди.
"Бавария" президенти Ули Хёнесс Тильманнинг бошқа клубга ўтишига тақиқ қўйди. Клуб футболчи ҳақида жуда юқори фикрда", - дейди Рёссер.
Рёссер аввалроқ ўз мижозига "Реал" ва "Барслона" клублари қизиқаётгани, каталонияликлар эса 18 ёшли футболчига таклиф билдиришга улгурганини хабар қилган эди.
