Саудия Арабистонида Осиё чемпионлар лигаси саралаш учрашувини ўтказган жамоамиз бугун Қарши шаҳрига қайтиб келди, дея хабар беради жамоа расмий сайти.
Жамоамиз футболчилари янги мавсум тайёргарликларини 12 феврал якшанба кунидан Қаршида давом эттиради. Жамоамиз энди бор эътиборини миллий чемпионат ва кубок баҳсларига қаратади.
“Насаф” бу йилги миллий чемпионатни сафарда “Қўқон-1912” жамоасига қарши учрашув билан бошлайди. Учрашув 4 март шанба кунига белгиланган. 9 март куни эса чемпионатнинг 2-тур доирасидаги учрашувни ўз майдонида “Бухоро” жамоасига қарши ўтказади.
