Дзюдо бўйича уч карра Олимпия ўйинлари совриндори Ришод Собиров расман спортчилик фаолиятини якунлади.
Энди ҳамюртимиз терма жамоа мураббийлар штабида ўзи муваффақият қозонган вазн тоифаларида (-60 ва -66 кг) маслаҳатчи мураббий сифатида фаолият юритади.
Ришод Собиров икки вазн тоифасида Олимпиада совриндори бўлган дунёдаги камсонли дзюдочилардан бири ҳисобланади. У Пекин-2008 ва Лондон-2012 Олимпиадаларида -60, Риода эса -66 кг вазн тоифасида бронза медалини қўлга киритган. Ришод Собиров икки кара жаҳон чемпиони, Осиё чемпиони, кўплаб халқаро мусобақалар ғолиби ҳисобланади.
