«Барселона» элчиси Роналдиньо, дунёнинг энг яхши футболчиси Неймар бўлиши тўғрисидаги фикрини ўзгартирди.
«Айни пайтда, дунёнинг энг яхши футболчиси – Месси. Келажакда эса унинг ўрнини Неймар эгаллайди деб ҳар доим айтганман.
Бироқ, Габриэл Жезус ҳам шундай футболчи бўлиши мумкин, унинг салоҳиятини кўриб, шу қарорга келмоқдаман. У ҳеч нарсадан қўрқмай ўйнамоқда. У футбол ўйнаб, ўзининг энг яхши ҳислатларини намойиш этмоқда» - деди Роналдиньо AS хабарида.
Маълумот ўрнида, 19 ёшли Жезус январь ойида «Палмейрас» клубидан «Манчестер Сити» сафига келиб қўшилганди. Футболчи АПЛнинг 3 ўйинида майдонга тушиб, 3та гол урди ва 1 голга ҳаммуаллифлик қилди.
