«Реал» президенти Флорентино Перес жамоа сардори Серхио Рамосга 500-рақамли футболкани топширди.
Ҳимоячи учун «Осасуна» (3:1) клубига қарши ўйин - «Реал» сафидаги 500-ўйин бўлган эди.
«Бу жуда муҳим рақам, чунки «Реал» таркибида 500-ўйинни ўтказиш ҳаммага ҳам насиб қилавермайди. Орзум амалга ошди ва бу мен учун шараф.
Юбилей ўйинни сардорлик боғичи билан ўтказганим жуда ёқимли. Вақтни ўтишини қаранг, ўзимни «Севилья»дан худди кеча келгандек ҳис қилмоқдаман. Умид қиламанки, янада кўпроқ ўйинларда майдонга тушаман» - деди Рамос клуб матбуот хизматининг хабарида.
