Тошкентда навбатдаги тайёргарлик жараёнини олиб бораётган “Шўртан”жамоаси сафига янги футболчи келиб қўшилди, дея хабар беради voha.uz.
Александр Волков томонидан муқаддам “Бунёдкор” ва “Навбаҳор” клубларида тўп сурган украиналик ҳужумчи Александр Пишчур “оқ бўрилар” машғулотларига келиб кўшилди. Ушбу ҳужумчи айни кунларда жамоа кўригидан ўтмоқда
Александр Волков шогирдлари 15 феврал куни иккита назорат учрашувлари ўтказишни мўлжаллаган. Соат 10:00да бошланадиган баҳсда ғузорликлар, биринчи лига вакили “Октепа” жамоасига қарши баҳс олиб боришади. Бунда Волков “Шўртан”нинг иккинчи таркибини майдонга туширади. Бу учрашув “Оқтепа” жамоаси майдонида бўлиб ўтади.
Сирғали туманидаги сунъий майдонда 15:00да бошланадиган назорат учрашуви эса “Қўқон-1912″ ёки “Сўғдиёна” жамоасига қарши бўлади. Бу учрашувда асосий таркиб ўйинчиларини майдонга тушириш режалаштирилган.
Фахриддин Чориев
