“Қўқон-1912” Самарқанднинг “Динамо” клуби билан назорат ўйинини ўтказди.
Ўйин бошланишида ёқимсиз ҳолат бўлди. Иброҳим Раҳимов жароҳат олиб майдонни шифокорлар ёрдамида тарк этди.
Учрашувда ҳисобни очиш қўқонликларга насиб этди. Захирадан майдонга тушган Ислом Каримовнинг чап қанотдан оширган тўпини Ҳамидов боши билан дарвозага жойлади. Орадан ҳеч қанча вақт ўтмай, Андрей Сидоров рақиб дарвозасига иккинчи голни урди. Ўнг қанотдан Ориф Мамажонов аниқ тўп ошириб Сидоровни, қулай вазиятга чиқарди. Ҳужумчимиз қийинчиликсиз дарвозани аниқ нишонга олди. Биринчи бўлим шу ҳисобда интиҳо топди.
Иккинчи таймда жамоалар аркиби тўлиқ алмашди. 57-дақиқада Аваз Маматхўжаевнинг зарбаси дарвоза тўсинига тегди. 63-дақиқада қўқонликлар пенальти тепиш ҳуқуқига эга бўлишди. Ориф Мамажоновнинг пенальтидан берган зарбасини дарвозабон қайтарди. Қайтган тўпни Андрей Сидоров боши билан дарвозага жойлади. 65-дақиқада ҳисоб янада йириклашди. Бу сафар захирадан майдонга тушган Шерзод Алижонов гол муаллифига айланди. 83-дақиқада ҳимоячини чиройли тарзда чалғита олган Андрей Сидоров ўйиндаги ҳисобни 5:0 га етказди. Сидоров мазкур учрашувда хет-трикка эришди. Орадан бир дақиқа ўтиб, Акмал Холмуродов автогол соҳибига айланиб, самарқандликларга ёрдам бериб юборди. Ўйин якунланиши арафасида Ислом Каримов Олий лига дебютанти дарвозасига олтинчи тўпни киритди.
Ўртоқлик учрашуви
“Қўқон-1912” – “Динамо” 6:1 (2:0)
Голлар: Собир Ҳамидов -23, Андрей Сидоров-26, 63, 83, Шерзод Алижонов-65, Ислом Каримов-90. – Акмал Холмуродов-85 (автогол).
“Қўқон-1912”: 21. Музаффар Абдуллаев (30. Ислом Абдуллаев-46), 7. Шоҳруҳ Холматов, 8. Акмал Холмуродов, 17. Андрей Сидоров, 19. Муҳаммаданас Ҳасанов (31. Суҳроб Раҳмонов-46), 22. Ориф Мамажонов, 23. Мурод Холмуҳаммедов , 24. Иброҳим Раҳимов (33. Ислом Каримов-10), 25. Иқбол Маликжонов, 28. Аваз Маматхўжаев, 70. Собир Ҳамидов (75. Шерзод Алижонов-46).
“Динамо”: М. Наумов, 10. Т. Кагиров, 19. И. Комилов, 2. М. Локаев, 6. А. Бозоров, 5. М. Тўйчибоев, 21. И. Холмиразаев, 11. Д. Абибуллаев, 22. Н. Сафаров, 9. А. Сафаров, 15. Р. Аъзамов.
Захира: Э. Исбоев, 7. Е. Кочнев, 20. Ш. Жумабоев, 18. А. Жадигеров, 23. К. Шарофиддинов, 8. К. Арслонов, 3. Б. Исроилов, 4. Х. Аламхонов, 13. А. Абдуллаев, 24. У. Рамазонов, 17. С. Расулов.
