“Qo‘qon-1912” Samarqandning “Dinamo” klubi bilan nazorat o‘yinini o‘tkazdi.
O‘yin boshlanishida yoqimsiz holat bo‘ldi. Ibrohim Rahimov jarohat olib maydonni shifokorlar yordamida tark etdi.
Uchrashuvda hisobni ochish qo‘qonliklarga nasib etdi. Zaxiradan maydonga tushgan Islom Karimovning chap qanotdan oshirgan to‘pini Hamidov boshi bilan darvozaga joyladi. Oradan hech qancha vaqt o‘tmay, Andrey Sidorov raqib darvozasiga ikkinchi golni urdi. O‘ng qanotdan Orif Mamajonov aniq to‘p oshirib Sidorovni, qulay vaziyatga chiqardi. Hujumchimiz qiyinchiliksiz darvozani aniq nishonga oldi. Birinchi bo‘lim shu hisobda intiho topdi.
Ikkinchi taymda jamoalar arkibi to‘liq almashdi. 57-daqiqada Avaz Mamatxo‘jayevning zarbasi darvoza to‘siniga tegdi. 63-daqiqada qo‘qonliklar penalti tepish huquqiga ega bo‘lishdi. Orif Mamajonovning penaltidan bergan zarbasini darvozabon qaytardi. Qaytgan to‘pni Andrey Sidorov boshi bilan darvozaga joyladi. 65-daqiqada hisob yanada yiriklashdi. Bu safar zaxiradan maydonga tushgan Sherzod Alijonov gol muallifiga aylandi. 83-daqiqada himoyachini chiroyli tarzda chalg‘ita olgan Andrey Sidorov o‘yindagi hisobni 5:0 ga yetkazdi. Sidorov mazkur uchrashuvda xet-trikka erishdi. Oradan bir daqiqa o‘tib, Akmal Xolmurodov avtogol sohibiga aylanib, samarqandliklarga yordam berib yubordi. O‘yin yakunlanishi arafasida Islom Karimov Oliy liga debyutanti darvozasiga oltinchi to‘pni kiritdi.
O‘rtoqlik uchrashuvi
“Qo‘qon-1912” – “Dinamo” 6:1 (2:0)
Gollar: Sobir Hamidov -23, Andrey Sidorov-26, 63, 83, Sherzod Alijonov-65, Islom Karimov-90. – Akmal Xolmurodov-85 (avtogol).
“Qo‘qon-1912”: 21. Muzaffar Abdullayev (30. Islom Abdullayev-46), 7. Shohruh Xolmatov, 8. Akmal Xolmurodov, 17. Andrey Sidorov, 19. Muhammadanas Hasanov (31. Suhrob Rahmonov-46), 22. Orif Mamajonov, 23. Murod Xolmuhammedov , 24. Ibrohim Rahimov (33. Islom Karimov-10), 25. Iqbol Malikjonov, 28. Avaz Mamatxo‘jayev, 70. Sobir Hamidov (75. Sherzod Alijonov-46).
“Dinamo”: M. Naumov, 10. T. Kagirov, 19. I. Komilov, 2. M. Lokayev, 6. A. Bozorov, 5. M. To‘ychiboyev, 21. I. Xolmirazayev, 11. D. Abibullayev, 22. N. Safarov, 9. A. Safarov, 15. R. A’zamov.
Zaxira: E. Isboyev, 7. YE. Kochnev, 20. SH. Jumaboyev, 18. A. Jadigerov, 23. K. Sharofiddinov, 8. K. Arslonov, 3. B. Isroilov, 4. X. Alamxonov, 13. A. Abdullayev, 24. U. Ramazonov, 17. S. Rasulov.
