УЕФА "Барселона" клубига, "ПСЖ"га қарши ўйинда Алейш Видални қўллаб-қувватловчи сўзлар ёзилган футболкаларда майдонга тушишга рухсат бермади.
Ҳимоячи яқинда оғир жароҳат олиб, узоқ муддатга сафдан чиққан эди. "Барселона" эса унинг шарафига махсус футболкаларни тайёрлаб, Париждаги ўйиндан олдин кийиб тушмоқчи эди.
Бироқ, УЕФА ЕЧЛ ўйинларида фақат клубнинг расмий футболкаларида тушишга рухсат беради. Бу сафар ҳам қоидадан истисно қилинмади.
Энди "Барса" бу акцияни Примерадан ўрин олган ва 19 февраль куни ўтказиладиган "Леганес" клубига қарши ўйингача кечиктирмоқчи.