Икки ҳафта мобайнида Туркиянинг Анталия шаҳрида ўқув-машғулот йиғини ўтказган “Локомотив” жамоаси вакиллари 13 февраль куни юртимизга қайтишган эди. Бир кунлик қисқа дам олишдан сўнг “темирйўлчилар” яна машғулотларни бошлаб юборишди.
Бугун “Локомотив” футболчилари ўз қароргоҳида машғулот ўтказишди. Машғулотда барча футболчилар иштирок этишди. Даставвал енгил югуриб олингач чигалёзди машқлари бажарилди. Сўнг эса тўп билан муомала машқларига ўтилди.
Таъкидлаш жоизки, жамоамиз 18 февралга қадар Тошкентда шуғулланади. Кейин эса Осиё Чемпионлар Лигаси 2017 йилги мавсуми гуруҳ босқичи 1-тур ўйинини ўтказиш учун Саудия Арабистонига йўл олади. “Ал Таавон” жамоасига қарши баҳс 20 февраль куни Бурайда шаҳрида бўлиб ўтади.
