Афсонавий футболчи Диего Марадона, Мадрид меҳмонхонасида қайлиғи Росио Оливани урганини инкор қилди.
Аввалроқ, полиция уни шу воқеа юзасидан сўроқ қилгани ҳақида хабарлар чиққан эди.
«Мадридда, оилам даврасида дам олмоқдаман. «Наполи»нинг Чемпионлар лигасидаги ўйинини кутмоқдаман. Адвокатим маҳаллий ҳокимият вакиллари билан боғланди. Менга нисбатан шикоят ва эътирозлар йўқ. Матбуотда тарқалган бу томошанинг сабабини менга ҳеч ким тушунтириб беролмади. Вақтимни чоқ ўтказмоқдаман. Улар эса нимани ёзса ёзаверсин» - деди Марадона.
