Бразилиянинг афсонавий футболчиси Роналдо ўз фаолиятидаги қийин қарорлари ҳақида гапирди.
«Нега «Барселона»дан «Интер»га ўтдим? Мен Каталония клубида ажойиб даврни ўтказдим ва у ерни ўз хоҳишимга кўра тарк этмадим. Мен «Барселона» билан янги шартнома борасида келишиб қўйгандим.
Аммо кейинчалик, президент ва адвокатлар унинг шартларини аҳмоқона деган қарорга келишди.
Мени эса 29 млн евро товон пулини тўлашга рози бўлган исталган клубга сотиб юборишга жазм қилишди. «Барселона»да бундай воқеалар ҳозир ҳам юз бермоқда. Неймарнинг шартномаси билан боғлиқ воқеа бунга мисолдир» - деди Роналдо AS хабарида.
