Италия футбол федерацияси А серия ўйинларида такрорий видеолавҳалардан фойдаланишга тайёр эканини маълум қилди.
«ФИФА синов босқичининг якунига етганини эълон қилиши ва такрорий вдеолавҳалардан фойдаланишга рухсат бериши биланоқ бу тизимни ишга туширамиз. Керак бўлса, сентябрь ойиданоқ фойдаланишни бошлаймиз.
Биз дунё футболида биринчилардан бўлиб, собиқ ҳакам Роберто Розетти раҳбарлигида бу технологияни синовдан ўтказиб олдик» - деди федерация бош директори Микеле Ува.
Режага кўра, икки нафар видеоҳакам голлар, жарима майдони ичидаги қоидабузарликлар ва четлатишлар бўйича юзага келган баҳсли ҳолатларда қарор чиқариш ҳуқуқига эга бўлади.
