Italiya futbol federasiyasi A seriya o‘yinlarida takroriy videolavhalardan foydalanishga tayyor ekanini ma’lum qildi.
«FIFA sinov bosqichining yakuniga yetganini e’lon qilishi va takroriy vdeolavhalardan foydalanishga ruxsat berishi bilanoq bu tizimni ishga tushiramiz. Kerak bo‘lsa, syentyabr oyidanoq foydalanishni boshlaymiz.
Biz dunyo futbolida birinchilardan bo‘lib, sobiq hakam Roberto Rozetti rahbarligida bu texnologiyani sinovdan o‘tkazib oldik» - dedi federasiya bosh direktori Mikele Uva.
Rejaga ko‘ra, ikki nafar videohakam gollar, jarima maydoni ichidagi qoidabuzarliklar va chetlatishlar bo‘yicha yuzaga kelgan bahsli holatlarda qaror chiqarish huquqiga ega bo‘ladi.
