Хитой Халқ Республикаси сенатори Чжай Чжихай, мамлакат 2030 ёки 2034 йилда ўтказиладиган жаҳон чемпионатини қабул қилиш учун ариза топширишини айтди.
«Жаҳон чемпионатини ўтказиш учун ариза топширишдан олдин, мундиал савиясига мос бўлиш талаб қилинади. Олдин шу даражага чиқиб олишимиз керак, сўнгра ариза топшириб, ғолиб чиқиш имкониятига эга бўламиз. Ҳозирча гап 2030 ёки 2034 йил ҳақида кетмоқда.
Албатта, Хитой бу сафар ЖЧ-2018 йўлланмасини қўлга киритолмайди, чунки яхши тайёргарлик кўрилмади. Жамоа 100% тайёр эмас. Бироқ, футбол ривожланмоқда.
Умид қиламанки, кейинги сафар ЖЧ йўлланмасига эга бўламиз» - деди мулозим Р-Спорт хабарида.
Эслатиб ўтамиз, ЖЧ-2018 Россияда, ЖЧ-2022 Қатарда бўлиб ўтади.
