Xitoy Xalq Respublikasi senatori Chjay Chjixay, mamlakat 2030 yoki 2034 yilda o‘tkaziladigan jahon chempionatini qabul qilish uchun ariza topshirishini aytdi.
«Jahon chempionatini o‘tkazish uchun ariza topshirishdan oldin, mundial saviyasiga mos bo‘lish talab qilinadi. Oldin shu darajaga chiqib olishimiz kerak, so‘ngra ariza topshirib, g‘olib chiqish imkoniyatiga ega bo‘lamiz. Hozircha gap 2030 yoki 2034 yil haqida ketmoqda.
Albatta, Xitoy bu safar JCH-2018 yo‘llanmasini qo‘lga kiritolmaydi, chunki yaxshi tayyorgarlik ko‘rilmadi. Jamoa 100% tayyor emas. Biroq, futbol rivojlanmoqda.
Umid qilamanki, keyingi safar JCH yo‘llanmasiga ega bo‘lamiz» - dedi mulozim R-Sport xabarida.
Eslatib o‘tamiz, JCH-2018 Rossiyada, JCH-2022 Qatarda bo‘lib o‘tadi.
