Англия кубогининг 1/8 финал босқичи доирасида «Миллуолл» ўз майдонида «Лестер»ни мағлуб этишга муваффақ бўлди.

Англия 3-дивизиони вакили 52-дақиқадан бошлаб майдонда бир киши кам бўлиб ҳаракат қила бошлади (Жейк Купер майдондан четлатилди). Ҳимоячи Шон Каммингс эса 90-дақиқада мезбонларга ғалаба келтирувчи гол муаллифига айланди.

Шу тариқа, «Миллуолл» 80 йил деганда (1936/37 йилги мавсумдан бери) Англия кубоги доирасида 3та АПЛ жамоаларини мусобақадан чиқариб юборган дастлабки жамоа бўлди. Аввалроқ «Уотфорд» ва «Борнмут»ни мағлуб этишга муваффақ бўлганди.

Англия кубоги, 1/8 финал
Миллуолл – Лестер 1:0 (0:0, 1:0)
Гол: 1:0 – 90 Каммингс.
Миллуолл – Арчер, Купер, Крэйг, Уэбстер, Уильямс, Фергюсон (Ромео, 86), Бутчер (Абду, 75), Оньединма, Каммингс, Морисон, О`Брайен (Грегори, 79).
Лестер – Цилер, Беналуан, Ваге (Василевски, 70), Чилуэлл, Капустка (Олбрайтон, 64), Амарти, Кинг, Менди, Грэй (Варди, 73), Муса, Окадзаки.
Огоҳлантиришлар: Купер (45), Цилер (54).
Четлатиш: Купер (52).