Angliya kubogining 1/8 final bosqichi doirasida «Milluoll» o‘z maydonida «Lester»ni mag‘lub etishga muvaffaq bo‘ldi.

Angliya 3-divizioni vakili 52-daqiqadan boshlab maydonda bir kishi kam bo‘lib harakat qila boshladi (Jeyk Kuper maydondan chetlatildi). Himoyachi Shon Kammings esa 90-daqiqada mezbonlarga g‘alaba keltiruvchi gol muallifiga aylandi.

Shu tariqa, «Milluoll» 80 yil deganda (1936/37 yilgi mavsumdan beri) Angliya kubogi doirasida 3ta APL jamoalarini musobaqadan chiqarib yuborgan dastlabki jamoa bo‘ldi. Avvalroq «Uotford» va «Bornmut»ni mag‘lub etishga muvaffaq bo‘lgandi.

Angliya kubogi, 1/8 final
Milluoll – Lester 1:0 (0:0, 1:0)
Gol: 1:0 – 90 Kammings.
Milluoll – Archer, Kuper, Kreyg, Uebster, Uilyams, Fergyuson (Romeo, 86), Butcher (Abdu, 75), Onyedinma, Kammings, Morison, O`Brayen (Gregori, 79).
Lester – Siler, Benaluan, Vage (Vasilevski, 70), Chiluell, Kapustka (Olbrayton, 64), Amarti, King, Mendi, Grey (Vardi, 73), Musa, Okadzaki.
Ogohlantirishlar: Kuper (45), Siler (54).
Chetlatish: Kuper (52).