«Бавария» бош мураббийи Карло Анчелотти Германия чемпионатининг 21-тури доирасида бўлиб ўтган «Герта»га қарши ўйин (1:1)да мезбон жамоа мухлисларига нисбатан ножоиз иш қилди.
«Бавария» ҳужумчиси Роберт Левандовски ўйиннинг 90+6-дақиқасида ҳисобни тенглаштирди. Ҳакам эса ўйинга 5 дақиқа қўшганди.
Ўйин тугагандан кейин италиялик мутахассис майдонни тарк этаётиб, кийиниш хонасига йўл оларакан, "Герта" мухлисларига ўрта бармоғини кўрсатди.
«Ҳа, мен бу ишни қилдим, боиси, улар менга тупуришганди», — деди Анчелотти.