Италия чемпионатининг 25-турида "Милан" ва "Фиорентина" жамоалари "Сан-Сиро"да тўқнаш келишди. Бу жамоалар жадвалда ёнма-ён боришаётгани учун баҳс кескин ўтиши кутилганди. Шундай бўлди ҳам.

Учрашувнинг 16-дақиқасида Куцка мезбонларни ҳисобда олдинга олиб чиққан бўлса, орадан атиги 4 дақиқа ўтиб Калинич мувозанатни тиклади. Баҳснинг 31-дақиқасида эса яқинда "Милан" сафига қўшилган Деулофеу "Фиорентина" дарвозасини ишғол қилди.

Ушбу гол ўйиндаги сўнггиси бўлиб қолди. Томонлар бир нечта хавфли вазиятларни яратган бўлсалар-да, имкониятлардан фойдалана олишмади.

Ушбу ғалабадан кейин "Милан" ўз очколарини 44тага етказди ва еврокубокларга йўлланма берадиган ўринлар учун курашни давом эттиради.

Италия А серияси, 25-тур
Милан – Фиорентина 2:1 (2:1, 0:0)
Голлар: 1:0 – 16 Куцка, 1:1 – 20 Калинич, 2:1 – 31 Деулофеу.
Милан – Доннарумма, Гомес, Ванджони, Абате, Палетта, Пашалич, Соса (Поли, 86), Сусо, Куцка (Сапата, 73), Деулофеу (Бертолаччи, 73), Бакка.
Фиорентина – Тэтэрушану, Сальседо, Родригес, Астори, Кьеза (Тельо, 71), Весино, Кристофоро (Бадель, 71), Иличич (Сапонара, 81), Санчес, Валеро, Калинич.
Огоҳлантиришлар: Сальседо (44), Ванджони (45), Гомес (51), Весино (51), Сусо (74).