ОЧЛ. «Локомотив» сафарда мағлубиятга учради

"Локомотив" Осиё чемпионлар лигасининг янги мавсумини мағлубият билан бошлади.

Тошкентликлар Саудия Арабистонига ғалаба умидида ташриф буюришганди. Бироқ стадиони ва формасининг ранги бизнинг "Пахтакор"га ўхшаш бўлган "Ат-Таъвун"га, "Пахтакор"нинг мухлисларидан фарқли равишда стадионни тўлдириб ўтган ишқибозлар катта ёрдам беришди. Бурайдаликлар маҳорат жиҳатдан "Локо"дан устун эмасдилар, аммо мухлисларнинг қизғин қўллаб-қувватлаши, ОЧЛдаги дебют ўйиндаги катта иштиёқ жамоанинг ғалаба қозонишига катта ёрдам берди.

Еличич шогирдлари тўпни яхши назорат қилишди, баъзи комбинацияларни амалга оширишга интилишди. Аммо бу назорат дарвоза томон бирор марта ҳам аниқ зарба беришга ёрдам бермаса, бундан не наф? Демак, темирйўлчилар ҳали ўз ўйин услубларини такомиллаштиришлари керак бўлади.

"Локомотив" сафардан ҳеч бўлмаганда бир очко билан қайтиши мумкин эди, агар Нестеров қўпол хатога йўл қўймаганида. Баҳснинг 68-дақиқасида бурчакдан етказилган узатма пайтида тўп Нестеровнинг устидан ошиб ўтди ва Талал ал-Абсий бўш қолган дарвозани бош билан ишғол қилди.

Қолган дақиқаларда "темирйўлчилар" олдинга ташланишди, лекин хавфли вазиятларга кўпроқ "Таъвун" футболчилари эга бўлишди.

Якунда эса ўз тарихида илк марта ОЧЛда иштирок этаётган "Ат-Таъвун" ўз мухлисларига улкан қувонч улашган ғалабани қўлга киритди.

"Локомотив" кейинги ўйинни 27 март куни Тошкентда БААнинг "Ал-Аҳли" клубига қарши ўтказади.

ОЧЛ, "А" гуруҳи, 1-тур.
"АТ-ТАЪВУН" (Саудия Арабистони) - "ЛОКОМОТИВ" (Ўзбекистон) - 1:0
Гол: Талал ал-Абсий (68)
Огоҳлантиришлар: Талал ал-Абсий (80), Мадаллаҳ ал-Оян (85) — Муҳаммад Коне (76)
"Ат-Таъвун": 23. Султон Ал-Ғамдий, 4.Рикардо Мачадо, 5.Талал ал-Абсий, 6.Абдулраҳмон ал-Барака, 10.Жиҳод ал-Ҳуссайн, 14.Муҳаммад Абу Сабон, 16.Найиф ал-Муса, 17.Маҳмуд Муоз, 19.Н'Дийе, 29.Санмартин, 49.Аҳмад аз-Зайн
"Локомотив": 1.Игнатий Нестеров, 5.Кахи Махарадзе, 11.Садриддин Абдуллаев (Қувондиқ Рўзиев 67), 15.Сардор Мирзаев, 17.Салим Мустафоев, 18.Темур Кападзе (Саламат Қуттибоев 87), 20.Ислом Тўхтахўжаев, 28.Шуҳрат Муҳаммадиев, 33.Олег Зотеев (Марат Бикмаев 57), 42.Муҳаммад Коне, 99.Жалолиддин Машарипов
Бош ҳакам: Аҳмад ал-Каф (Уммон)

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

14/03 00:45	Торино	4-1	Парма
14/03 01:00	Алавес	1-1	Вильярреал
14/03 18:00	Жирона	3-0	Атлетик Бильбао
14/03 19:00	Интер	1-1	Аталанта
14/03 20:00	Сандерленд	0-1	Брайтон
14/03 20:00	Бёрнли	0-0	Борнмут
14/03 20:15	Атлетико	1-0	Хетафе
14/03 22:00	Наполи	2-1	Лечче
14/03 22:30	Челси	0-1	Ньюкасл
14/03 22:30	Арсенал	2-0	Эвертон
14/03 22:30	Реал Овьедо	1-0	Валенсия
15/03 00:45	Удинезе	0-1	Ювентус
15/03 01:00	Вест Хэм	1-1	Манчестер Сити
15/03 01:00	Реал Мадрид	-	Эльче
15/03 16:30	Верона	-	Женоа
15/03 18:00	Мальорка	-	Эспаньол
15/03 19:00	Ноттингем Форест	-	Фулхэм
15/03 19:00	Ман. Юнайтед	-	Астон Вилла
15/03 19:00	Кристал Пэлас	-	Лидс
15/03 19:00	Пиза	-	Кальяри
15/03 19:00	Сассуоло	-	Болонья
15/03 20:15	Барселона	-	Севилья
15/03 21:30	Ливерпуль	-	Тоттенхэм
15/03 22:00	Комо	-	Рома
15/03 22:30	Бетис	-	Сельта
16/03 00:45	Лацио	-	Милан
16/03 01:00	Реал Сосьедад	-	Осасуна

ОЧЛ. «Локомотив» сафарда мағлубиятга учради

ЭНГ КЎП ЎҚИЛГАН ЯНГИЛИКЛАР