АҚШ Миллий баскетбол ассоциациясида икки конференциянинг энг яхши баскетболчилари иштирокида “барча юлдузлар” учрашуви бўлиб ўтди.
Янги Орлеан штатидаги “Смути Кинг-Центр” мажмуасида ўтган учрашув 192-182 ҳисобида ғарбий конференция вакиллари ғалабаси билан якунланди.
Ғарбликлар сафидаги энг сермаҳсул ўйинчи “Нью-Орлеан Ҳорнетс” аъзоси Энтони Девис 52 очко жамғарди ва 10 маротаба халқадан қайтган тўп учун курашда ғолиб бўлди. Девис бу кўрсатгич билан “барча юлдузлар” учрашувлари тарихидаги энг яхши натижани янгилади. Аввалги рекорд 1962 йил мавсумида Уилт Чемберлен томонидан ўрнатилган эди. Шунингдек, Рассел Уэстбрук ўйинда 41 очко жамғарди. Кевин Дюрант эса трипл-дабл қайд этди.
Шарқ жамоаси сафидаги энг яхши натижа Яннис Адетокунбога тегишли. “Милуоки Бакс” баскетболчиси 30 очко жамғарди. “Кливленд Кавалерс” аъзолари Леброн Жеймс ва Кайри Ирвинг биргаликда 45 очко ишлаб олдилар. Яна шуни қайд этиш керак, жамоалар умумий сермаҳсуллик бўйича рекордни ҳам янгиладилар – 374 очко.
