AQSH Milliy basketbol assosiasiyasida ikki konferensiyaning eng yaxshi basketbolchilari ishtirokida “barcha yulduzlar” uchrashuvi bo‘lib o‘tdi.
Yangi Orlean shtatidagi “Smuti King-Sentr” majmuasida o‘tgan uchrashuv 192-182 hisobida g‘arbiy konferensiya vakillari g‘alabasi bilan yakunlandi.
G‘arbliklar safidagi eng sermahsul o‘yinchi “Nyu-Orlean Hornets” a’zosi Entoni Devis 52 ochko jamg‘ardi va 10 marotaba xalqadan qaytgan to‘p uchun kurashda g‘olib bo‘ldi. Devis bu ko‘rsatgich bilan “barcha yulduzlar” uchrashuvlari tarixidagi eng yaxshi natijani yangiladi. Avvalgi rekord 1962 yil mavsumida Uilt Chemberlen tomonidan o‘rnatilgan edi. Shuningdek, Rassel Uestbruk o‘yinda 41 ochko jamg‘ardi. Kevin Dyurant esa tripl-dabl qayd etdi.
Sharq jamoasi safidagi eng yaxshi natija Yannis Adetokunboga tegishli. “Miluoki Baks” basketbolchisi 30 ochko jamg‘ardi. “Klivlend Kavalers” a’zolari Lebron Jeyms va Kayri Irving birgalikda 45 ochko ishlab oldilar. Yana shuni qayd etish kerak, jamoalar umumiy sermahsullik bo‘yicha rekordni ham yangiladilar – 374 ochko.
