"Монако" бош мураббийи Леонарду Жардим ЕЧЛ 1/8 финалида "Манчестер Сити" билан учрашувдан сўнг (3:5) фикрлари билан ўртоқлашди.
"Аввало шуни айтишим керакки, бу ўйин чемпионлар лигасининг бу мавсумидаги энг ақлбовар қилмас ўйини бўлди. Мухлислар учун бу шунчаки зўр томоша бўлди. Улар ҳужумкор ўйин ва саккиз голга гувоҳ бўлишди. "Монако" яхши ўйнади, ўйинчиларни бу билан табрикладим. Аммо ҳимояда бир нечта хатолар қилдик, пенальтидан гол ура олмаган вазиятимиз ҳал қилувчи бўлди.
Олдинда 90 дақиқа турибди, бу жуфтликда ҳали ҳеч нарса ҳал бўлмади", - дейди Жардим.
