"Реал" ҳужумчиси Криштиану Роналду "Валенсия"га қарши ўйинда иштирок этди. Бу унинг клуб миқёсидаги 700-ўйини бўлди.
Португалиялик футболчи ўзининг юбилей ўйинида гол уришга муваффақ бўлди. Аммо бу учрашувда "Реал" мағлубиятга учради.
Роналду 700та ўйинда рақиблар дарвозасини 509 марта ишғол қилган. Тўрт карра "Олтин тўп" соҳиби "Спортинг" сафида 5та гол урган бўлса (31та ўйин), "МЮ" формасида 188та марта тўп киритишга муваффақ бўлган (292та ўйин). Ниҳоят, Криштиану "Реал" сафида 377та учрашувда 386та гол урган.
"Валенсия" дарвозасига киритилган тўп Роналду учун Ла лиганинг ушбу мавсумидаги 15-гол бўлди. У тўпурарлар пойгасида Месси ва Луис Суаресдан кейин 3-ўринда бормоқда.