Италия терма жамоаси бош мураббийи Жампьеро Вентура, «Ницца» ҳужумчиси Марио Балотелли ҳулқ-атворини ўзгартирсагина терма жамоага қайтиши мумкинлигини айтди.
Футболчи сўнгги марта ЖЧ-2014да Италия терма жамоаси либосини кийган эди.
«Биз юзма-юз учрашиб, ҳаммасини муҳокама қилиб олишимиз керак. Ҳозирча унинг ҳулқ-атворида ижобий томонга ўзгаришни кўрмадим. Марионинг қобилиятли футболчи эканига ҳеч ким шубҳа қилмаяпти, бироқ бошқа томондан олиб қараганда... Балотелли ўзгариши керак. Терма жамоа сафида бундай футболчининг йўқлиги афсусланарли» - деди Вентура Sky Sports хабарида.
Жорий мавсумда, Балотелли Франция чемпионатида 14 ўйинда майдонга тушиб, 9та гол урган ва 2 марта майдондан четлатилган.
