«МЮ» ҳужумчиси Уэйн Рунининг агенти Пол Стретфорд, футболчининг трансфери бўйича музокара ўтказиш учун Хитойга учиб кетди.
Sky Sports хабарига кўра, Хитойнинг «Гуанчжоу Эвергранд», «Бейдзинг Гуоан», «Цзянсу Сунин» ва «Тянзинь Цюанцзянь» жамоалари Руни хизматига қизиқиш билдирмоқда.
«Манчестер Юнайтед» футболчисининг агенти ушбу жамоа мутассадилари билан Рунининг келажакдаги шаҳсий шартномаси борасида келишув ўтказишни режалаштирган.
«Манчестер Юнайтед» Хитой жамоаларидан яхши таклиф тушсагина, жамоа тарихидаги энг яхши тўпурар билан хайрлашишга тайёр эканлигини билдирган.
Маълумот учун, Англиялик футболчи жорий мавсумда «МЮ» таркибида 29 ўйинда майдонга тушиб, 5та гол урган ва 10та голга ҳаммуаллифлик қилган.
