Янги мавсумга тайёргарликни олиб бораётган «Машъал» бугун Муборакда машғулотларни бошлади.
Таркибга жалб этилган янги футболчилардан Бобур Қосимов, Абдуллоҳ Олимов, Жамолиддин Убайдуллаев, Сардор Раҳмонов, легионерлардан Умеджон Шарипов (Тожикистон) ва Игор Тимонюк (Беларус) жамоа таркибида шуғулланмоқда.
Александр Хомяков шогирдлари янги мавсум бошлангунга қадар тайёргарликни Муборакда олиб боради.
Эслатиб ўтамиз, «Машъал» Олий лиганинг кетма-кет иккита турини Муборакда ўтказади. 3 март куни «Локомотив» ташриф буюрса, 10 март куни «Металлург» келади.
