"Реал" бош мураббийи Зинедин Зидан Испания чемпионатининг 24-турида "Вильярреал" устидан қозонилган ғалабадан сўнг фикрлари билан ўртоқлашди.
"Биз ҳалаба қозониш керак бўлган вазиятда ҳаммасини тўри бажардик, голлар учун имконият топа олдик ва кучли рақиб билан ўйинда 3 очко ола билдик. Бу ғалабадан жуда хурсандмиз.
0:2 ҳисобида ҳужумимизда ниманидир ўзгартириш керак эди ва биз рақиб майдонида кўпроқ ҳаракат қила бошладик ва бу иш берди. "Вильярреал" ўз уйида кучлилиги билан танилган, биз сабрли бўлишимиз керак эди.
Биз ўзгартиришлар орқали ташаббусни қўлга олдик. Иско ва Мората? Улар ҳақиқатдан ҳам кўпроқ ўйин амалиётига муносиблар, аммо айна улар ўйиннинг боришини ўзгартириб юбордилар. Лекин "Реал"га барча ўйинчилар керак", - дейди Зидан.
