"Интер" бош мураббийи Стефано Пиоли Италия чемпионатида "Рома"дан учралган мағлубиятдан сўнг (1:3) фикрлари билан ўртоқлашди.
"Ўйин қийин ва тенг бўлди. "Рома" вазиятларни якунлашда омадлироқ бўлди, бизда ҳам вазиятлар бўлди, аммо биз биргина гол ура олдик, холос.
Наингголан иккита қойилмақом гол урди. Хатомиз шундаки, унга 20 метрдан зарба беришга қўймаслигимиз керак эди. Шунда ҳисобдаги фарқ катта бўлмас эди.
Ҳакамлик? Бу журналистларнинг иши. Мен ўйинни таҳлил қиламан ва "Рома" шунчаки голли вазиятлардан унумли фойдаланди. Рақиб, айниқса, биринчи бўлимда кўп қийинчилик туғдирди", - дейди Пиоли.
