«Реал» раҳбарияти, «Вильярреал» президенти Фернандо Роигнинг бош ҳакам Хесус Хиль Мансано тўғрисида айтган сўзларидан норози бўлди.
«Вильярреал» - «Реал» (2:3) ўйинини бошқарган ҳакам, яримҳимоячи Бруно Сорианонинг қўлига тўп текканидан сўнг пенальти белгилаган ва бу катта баҳс ва мунозарага сабаб бўлганди.
EFE хабарига кўра, Роиг Мансанони рақибга ёрдам берганликда айблаган ва ўйиндан сўнг «Реал» сумкалари билан стадионни тарк этганини айтганди.
Ўз навбатида, Испания ҳакамлар қўмитаси раҳбари сумкалар ичида «Реал»нинг ручка, брелок ва значоклари борлигини айтганди.
