"Вильярреал" клуби раҳбарияти Испания чемпионатининг 24-турида "Реал" билан учрашувдаги (2:3) ҳакамлар борасида расмий баёнот берди.
Marca нашрининг хабарига кўра, баёнотда жумладан шундай дийилган: "Вильярреал" барча ҳакамларни қўллаб-қуватлайди. Биз ҳар доим ҳакамларимизнинг виждонийлиги ва мустақиллигини ҳимоя қилиб келганмиз. Клуб ҳакамларнинг ишини тушунади ва уларнинг ҳаракатлари ҳамда хатоларини футболнинг бир қисми деб билади. "Вильярреал" ҳакамларнинг адолатли ўйин принципларига амал қилишларига ва профессионаллигига тўлиқ ишонади".
Эслатиб ўтамиз, "Реал"га қарши учрашувдан сўнг "Вильярреал" президенти Фернандо Роиг ҳакамларни қаттиқ танқид остига олган эди.
