"Наполи" посбони Пепе Рейна Италия кубоги ярим финалида "Ювентус"га қарши учрашув (1:3) ҳакамларини танқид қилди.
"Иккинчи пенальти белгиланган вазиятда мен парланиб кета олмадим. Ёки дарвозабонлар учун тўпга тегиш тақиқланганми? Мен тўпга ўйнадим, Куадрадо эса устимдан сакраб ёки четлаб ўтиши мумкин эди. Менимча, Альбиолга ишлатилган қўполликда пенальти белгиланмагнини кўпроқ гапириш керак. Унда пенальти аниқроқ эди. Албатта, биз ўз ўйинимизни яхшилашимиз керак, аммо ҳакамлардан жуда жаҳлим чиқди. Бу адолатсизлик", - дейди Рейна.
