"Барселона" бош мураббийи Луис Энрике хихоннинг "Спортинг" клуби билан учрашув олдидан фикрлари билан ўртоқлашди
"Кайфиятим қандай? Мен жуда бахтиёрман. "Атлетико" билан ўйинда ўта муҳим 3 очко ишладик ва ривожланишимиз мумкинлигини кўрсатдик. Ғалабани қандай нишонлаганимизни кўрдингизми?
Жамоамиз ўйини дунёнинг энг яхши ўйинчисининг ўйинига боғлиқ эмас, десак, бироз соддалик бўлади. Умид қиламанки, Мессига боғликлик ҳали узоқ йиллар давом этади.
"Спортинг"га балки ҳужумда тажовузкорлик етишмаётгандир. Аммо улар жуда хавфлилар, чунки, хавфли ҳудуддан чиқишга ҳаракат қиляптилар. Уларга энг яхши тилакларим, чунки туғилганимдан буён "Спортинг" мухлисиман".
Учта марказий ҳимоячи билан ўйнаш менга ёқади, аммо ҳозир тактика борасида гапирмайман. Аммо эҳтимол бор", - дейди Луис Энрике.
