Испания терма жамоасининг бош мураббийи Хулен Лопетеги "Барселона" бош мураббийи Луис Энрикенинг мавсум якунидан сўнг истеъфога чиқишига муносабатини билдирди.
"Энрикенинг қарорини тўғри тушунаман. Унинг чарчаганига ажабланмайман, "Барселона"да ишлаш ҳолдан тойдиради. Мен у билан суҳбатлашиб тураман, аммо унинг келажаги ҳақида гаплашмаганмиз. Аммо такрорлайман, мен уни тушунаман.
Бу унинг шахсий қарори, буни яхшилаб ўйлаб олган бўлиши керак. У шандй қилса яхши бўлади деб ҳисоблаган. Луис "Барселона"да эришган совринлари билан фахрланса арзийди. Бунда унинг олдида яна қатор совринлар турибди, аммо у ўзининг дунё даражасидаги мураббий эканини исботлаб бўлди", - дейди Лопетеги.
