Мадриднинг “Реал” жамоаси Ла Лига 25-турида “Лас-Пальмас”га қарши баҳс юритиб, қийинчилик билан 3:3 ҳисобидаги дурангни қайд этди.
Мадридликлар очко ва пешқадамликни йўқотганига қарамай, ашаддий рақиби – “Барселона”нинг узоқ йиллик рекордини янгилади.
“Қироллик клуби” футболчилари қаторасига 45 ўйинда гол уриб, “Барселона” томониддан 1942/43 ва 1943/44 йилги мавсумларда 44 та ўйиндан иборат голли сериялари рекордини ортда қолдирди.
“Реал”нинг сўнгги голсиз ўйини 2016 йилнинг 24 апрель куни қайд этилганди. Ўшанда “Манчестер Сити” билан бўлган учрашувда ҳисоб очилмаган эди.
