"Реал" дарвозабони Кейлор Навас мухлислар олдида Испания чемпионатининг 25-турида "Лас-Пальмас"га қарши учрашувдаги (3:3) хатоларини ювмоқчи.
Коста-Рикалик дарвозабон меҳмонларнинг учинчи голида қўпол хатога йўл қўйди ва мухлислар унга нисбатан ҳуштакбозлик қилишди.
"Мен "Сантьяго Бернабеу"да биринчи марта ҳуштакбозликка учрадим. Мен вазиятни ўзгартира олишимга ва мухлислар ишончини қозонишимга қодирман деб ўйлайман. Мухлислар ўз норозиликларини билдиришга ҳақлилар, буни ҳурмат қиламан. Уларнинг ҳуштаклари қарсакларга айланиши учун ишлайман", - дейди Навас.
