«Атлетик» бош мураббийи Эрнесто Вальверде «Барселона» клубига бош мураббий қилиб тайинланиши мумкинлиги ҳақидаги гап-сўзларга изоҳ берди.
«Жамоасини тарк этаётган мураббийнинг менга даҳли йўқ, бу менинг ишим эмас. Айни пайтда фақат "Атлетик" ҳақида ўйламоқдаман. Бундай миш-мишлар ҳар доим пайдо бўлади, аммо уларга аралашмоқчимасман.
Бу гап-сўзлар журналистларга қўл келади. Мени қўпол деб ўйламанг, бу хабарларга изоҳ бермайман. Аввал ҳам шундай воқеалардан жабрланганман» - деди Вальверде Goal хабарида.
