«Манчестер Сити» бош мураббийи Хосеп Гвардиола танқидларга қандай муносабат билдириши ҳақида гапирди.

«Нега мен ҳақимда китоблар ёзилиб, фильмлар суратга олинган? Чунки биз ғалаба қозонганмиз. Ютқазганлар тўғрисида китоб ёзиладими? Аммо, баъзан бу ҳам қизиқ бўлиши мумкин.

Мен «Барселона» ва «Бавария» сингари катта клублар билан ғалаба қозонганман. Шунинг учун ҳам китоблар ёзилган, фильмлар суратга олинган.

АПЛда юқори савиядаги мураббийлар кўп. Аммо мен ҳар доим ғалаба қозонолмайман. Танқидга қандай муносабат билдираман? Бу гапларни ўқимайман, бу ҳақда кўп ўйламайман. Акс ҳолда тунда уйқум қочиб кетади.

«Барселона»га келганимда, 95 фоиз одам менга қарши бўлган. Ҳозир эса у ердаги ғалабаларим туфайли, менга яхши муносабатда бўлишмоқда» - деди Гвардиола.