Англия Премьер-лигасининг 27-тури доирасида марказий ўйин якунига етди. "Ливерпуль" ўз майдонида "Арсенал"ни қабул қилди ва муҳим ғалабани қўлга киритди.  Мерсисайдликлар ўз анъаналарини давом эттирган ҳолда АПЛнинг кучли жамоасини мағлуб этишди.

Майдон эгалари тезкор гол билан ҳисобни очишди. Ўнг қанотда етказилган узатма натижасида тўп Фирминога келиб тушди ва у 9-дақиқада яқин масофадан дарвозани ишғол қилди. Биринчи бўлим тугашига 5 дақиқа қолганида "Ливерпуль" футболчилари Манени қулай вазиятга чиқаришди. Садьонинг зарбасини Чех қайтара олмади.

Иккинчи бўлимда Уэлбек чиройли комбинацияни голга айлантириб, ўйинга интригани қайтарганди. Бироқ қўшиб берилган дақиқаларда Вейналдум ажойиб қарши ҳужумни самарали якунлади ва баҳсга нуқта қўйди.

Ушбу ғалабадан кейин "Ливерпуль" ўз очколарини 52тага етказди ва жадвалда 3-ўринга кўтарилиб олди. "Арсенал" эса 5-ўринга тушиб кетди.

АПЛ, 27-тур
Ливерпуль – Арсенал 3:1 (2:0, 1:1)
Голлар: 1:0 – 9 Фирмино, 2:0 – 40 Мане, 2:1 – 57 Уэлбек, 3:1 – 90 Вейналдум.
Ливерпуль – Миньоле, Клаван, Матип, Клайн, Коутиньо (Ориги, 80), Вейналдум, Фирмино, Лаллана (Лейва, 90), Мане (Александер-Арнолд, 90), Эмре Жан, Милнер.
Арсенал – Чех, Мустафи, Монреаль, Бельерин, Косьельни, Жака, Коклен (Санчес, 46), Окслейд-Чемберлен, Ивоби, Жиру (Перес, 74), Уэлбек (Уолкотт, 74).
Огоҳлантиришлар: Коклен (34), Эмре Жан (68), Жака (78).