Angliya Premyer-ligasining 27-turi doirasida markaziy o‘yin yakuniga yetdi. "Liverpul" o‘z maydonida "Arsenal"ni qabul qildi va muhim g‘alabani qo‘lga kiritdi.  Mersisaydliklar o‘z an’analarini davom ettirgan holda APLning kuchli jamoasini mag‘lub etishdi.

Maydon egalari tezkor gol bilan hisobni ochishdi. O‘ng qanotda yetkazilgan uzatma natijasida to‘p Firminoga kelib tushdi va u 9-daqiqada yaqin masofadan darvozani ishg‘ol qildi. Birinchi bo‘lim tugashiga 5 daqiqa qolganida "Liverpul" futbolchilari Maneni qulay vaziyatga chiqarishdi. Sadyoning zarbasini Chex qaytara olmadi.

Ikkinchi bo‘limda Uelbek chiroyli kombinasiyani golga aylantirib, o‘yinga intrigani qaytargandi. Biroq qo‘shib berilgan daqiqalarda Veynaldum ajoyib qarshi hujumni samarali yakunladi va bahsga nuqta qo‘ydi.

Ushbu g‘alabadan keyin "Liverpul" o‘z ochkolarini 52taga yetkazdi va jadvalda 3-o‘ringa ko‘tarilib oldi. "Arsenal" esa 5-o‘ringa tushib ketdi.

APL, 27-tur
Liverpul – Arsenal 3:1 (2:0, 1:1)
Gollar: 1:0 – 9 Firmino, 2:0 – 40 Mane, 2:1 – 57 Uelbek, 3:1 – 90 Veynaldum.
Liverpul – Minyole, Klavan, Matip, Klayn, Koutinyo (Origi, 80), Veynaldum, Firmino, Lallana (Leyva, 90), Mane (Aleksander-Arnold, 90), Emre Jan, Milner.
Arsenal – Chex, Mustafi, Monreal, Belyerin, Kosyelni, Jaka, Koklen (Sanches, 46), Oksleyd-CHemberlen, Ivobi, Jiru (Peres, 74), Uelbek (Uolkott, 74).
Ogohlantirishlar: Koklen (34), Emre Jan (68), Jaka (78).