"Арсенал" дарвозабони Петр Чех АПЛнинг 27-турида "Ливерпуль"дан учралган мағлубиятдан сўнг (1:3) фикрларини билдирди.

"Биз танаффусдан сўнг тажовузкор ўйнадик, дам бадам яккакурашларда ютиб чиқа бошладик. Ютқазиш аламли, аммо рақибнинг иккитагина ҳужумидан сўнг иккита тўп ўтказиб юбориш янада аламли.

Ғалаба қозонганимизда чемпионлик учун курашни давом эттирган бўлардик, энди эса "Челси"дан анча ортда қолиб кетдик. Энди топ-4га илиниш ва юқорироқ ўринга ҳаракат қилиш керак", - дейди Чех.

"Арсенал" 50 очко билан бешинчи ўринда бормоқда ва етакчи "Челси"да 13 очко ортда қолган.