Ўзбекистонлик спортчи АҚШда мас-рестлинг бўйича жаҳон биринчилиги ғолиби бўлди.
Ўзбекистонлик Олеся Гуреева 2−5 март кунлари Американинг Колумбус шаҳрида бўлиб ўтган Arnold Sports Festival мусобақасида мас-рестлинг бўйича мутлақ вазн тоифасида жаҳон чемпиони бўлди, деб хабар қилди Мас-рестлинг халқаро федерацияси (IMWF) сайти.
Мас-рестлерлар беллашуви таниқли культурист, актёр ва сиёсатчи Арнольд Шварценеггер иштирок этди.
Мас-рестлинг — Ёқутистонда пайдо бўлган яккарураш тури. Унда икки спортчи махсус тахтанинг икки томонига ўтириб олганча ушлаб олган таёқни рақибнинг қўлидан тортиб олиши талаб қилинади.
Биринчи баҳсда Олеся Гуреева канадалик Робин Кулен билан учрашиб, ғалаба қозонди. Иккинчи баҳсда ёқутистонлик бир неча карра жаҳон чемпиони Туйара Орловани икки раунд якуни бўйича мағлуб этди. Сўнгги беллашув эса америкалик Линдси Холл билан кечиб, ғалабанинг олий шоҳсупасига кўтарилишга муваффақ бўлди.
Ўзбекистонлик спортчи ўз карьерасида 2014 йилда Россияда бўлиб ўтган жаҳон чемпионатида бронза, 2016 йили Қирғизистонда ўтган ЖЧда эса кумуш медални, шунингдек, қатор нуфузли халқаро мусобақаларда совринли ўринларни қўлга киритган.
