"Реал" клуби ва Португалия терма жамоаси ҳужумчиси Криштинау Роналду Конфедерациялар кубоги мусобақаси олдидан Цюрихда ташкиллаштирилган маросимда ирим қилди.
Футболчи унга таништирилган Конфедерациялар кубогини қўли билан ушлаб кўрмади.
"Мен кубокка тегмайман. Мен умуман совринларга ҳеч қачон тегмайман. Бу омадсизлик келтиради.
Бу ҳақиқатдан уми? Жуда чиройли. Ҳозир уни ушлаб кўрмайман, аммо ким билади... Бу кубокни ютмоқчиман, бу менинг орзум. Аммо ҳали кўп иш қилиш керак.
Инсонда албатта орзу бўлиши керак. Кейин ҳаммаси маълум бўлаверади. Мусобақада жамоамиз қандай қатнашади, омад ҳам керак. Умид қиламанки, Португалия ўз тарихида яна бир совринни қўлга киритади. Бу ажойиб бўлар эди", - дейди Роналду.
Конфедерациялар кубоги роппа роса 100 кундан сўнг - 17 июнь куни старт олади. Португалия термаси Мексика, Янги Зеландия ва Россия терма жамоалари билан бир гуруҳда кураш олиб боради.
