"ПСЖ" клуби жамоанинг ЕЧЛ 1/8 финалининг жавоб учрашуви учун Барселонага сафари ҳақида олинаётган ҳужжатли фильмни тўхтатди.
PSGTV журналистлари жамоа билан доим бирга бўлдилар ва олдинда турган ўйинга тайёргарлик жараёнини суратга олишди: машғулотлар, аэропортга йўл, президент Носир Ал-Ҳелайфийнинг шахсий самолетидаги парвоз, футболчиларнинг отелга йўл олиши.
1:6 ҳисобидаги мағлубиятдан сўнг, материални "токчага қўйиш"га қарор қилинди, дея хабар беради L'Equipe.
Эслатиб ўтамиз, парижликлар биринчи ўйинда 4:0 ҳисобида ғалаба қозонган эдилар, аммо жавоб учрашувида тор-мор этилдилар. Бунгача ЕЧЛда ҳеч қайси жамоа 4 голли фарқни йўққа чиқармаган эди.
