14 март куни пойтахтимизда юнон-рим кураши бўйича халқаро турнир старт олди.
Юнон-рим кураши бўйича Ўзбекистон терма жамоаси бош мураббийи Камил Фатхулин соврини учун ташкил қилинган мусобақада 2001-2002 йилларда туғилган ёш спортчилар ўз имкониятларини синаб кўришмоқда. Турнирда Ўзбекистон вакилларидан ташқари Россия, Қозоғистон, Қирғизистон, ҳамда Тожикистон спортчилари иштирок этишаётганини таъкидлаш керак.
5-бор ўтказилаётган анъанавий турнирда бу йил 5 та мамлакатнинг 330 нафар спортчиси 11 та вазн тоифасида ғолиблик учун кураш олиб боради. Энг енгил вазн тоифаси -38 кг. бўлса, энг оғир вазнда кураш 100 кг.гача бўлган спортчилар ўртасида бўлиб ўтади.
Республика Олимпия Заҳиралари Коллежида жойлашган спорт мажмуасида бўлиб ўтаётган мусобақа ғолиблари, 15-март куни бўлиб ўтадиган финал баҳсларидан сўнг маълум бўлади.
